وزیراعظم شہبازشریف نےانفارمیشن ٹیکنالوجی پارکس سے متعلق اجلاس میں اسلام آباد آئی ٹی پارک ، ٹیکنالوجی پارکس کی کارکردگی پرتھرڈ پارٹی ایویلیویشن کرانے کی ہدایت کی۔
وزیراعظم شہبازشریف نے کہا کہ آئی ٹی برآمدات،اسٹارٹ اپس کو سہولیات سے متعلق آئی ٹی پارکس کا قیام خوش آئند ہے، اسلام آباد آئی ٹی پارک کی تعمیر کا کام جلد از جلد مکمل کیا جائے۔
علاوہ ازیں جیمز اور قیمتی پتھروں کے شعبے سے متعلق اجلاس سے خطاب کرتے ہوئے وزیر اعظم نے کہاکہ قدرتی وسائل سے صحیح طور پر فائدہ اٹھانے کی ضرورت ہے۔
انہوں نے کہا کہ جیمز اور قیمتی پتھروں کے شعبے کو صنعت کا درجہ دینے کے اقدامات کیے جائیں، قیمتی پتھروں اور ان کی مصنوعات کی بین الاقوامی سرٹیفیکیشنز یقینی بنائی جائے۔