ترجمان چینی دفترخارجہ نے کہا کہ وزیراعظم پاکستان شہباز شریف 4 تا 8 جون چین کا سرکاری دورہ کریں گے، چینی وزیراعظم لی چیانگ نے شہباز شریف کو دورہ چین کی دعوت دی ہے، شہباز شریف کا وزارت عظمیٰ کا منصب سنبھالنے کے بعد یہ پہلا دورہ چین ہے۔
شہباز شریف کے دورے میں صدر شی جن پنگ اور وزیراعظم لی چیانگ ملاقاتیں کریں گے اور ان کے دورے میں دونوں ملکوں کے رہنما پاک چین تعلقات، باہمی دلچپسی کے امور پر تبادلہ خیال کریں گے۔
پاک چین قیادت کی ملاقاتوں میں باہمی تعلقات بڑھانے کیلئے مشترکہ بلیوپرنٹ تیارکیا جائے گا، وزیراعظم شہبازشریف بیجنگ کے علاوہ گوانگ ڈونگ اورشانگزی بھی جائیں گے۔
پاکستان اور چین اسٹریٹیجک شراکت داراورگہرے دوست ہیں، پاکستان اور چین کی دوستی ہر آزمائش پر پوری اتری ہے، چینی محاورے کے مطابق پاک چین دوستی ماؤنٹ تائی کی طرح مضبوط ہے۔
ماؤنٹ تائی چین کے 5 مقدس پہاڑوں میں سے ایک ہے، اسے چین کے مذہب میں کلیدی اہمیت حاصل ہے۔ ماؤنٹ تائی چین کے صوبہ شانڈونگ کا سب سے اونچا مقام ہے، ماؤنٹ تائی ہزارسال قبل مسیح سے پہلے چاؤ خاندان کے دورحکومت کے دوران ایک مقدس مقام تھا۔
چینی وزارت خارجہ نے کہا کہ ہماری دوستی وقت کی کسوٹی پرکھری رہی ہے اور’ماؤنٹ تائی کی طرح مستحکم ہے۔