پولیس ذرائع کے مطابق حادثہ وفاقی دارالحکومت اسلام آباد کی شاہراہ دستور پر سگنل توڑنے پر پیش آیا اور کانسٹیبل عامر کاکڑ زخمی ہوگیا، پولیس کانسٹیبل عامرکاکڑ کو تشویشناک حالت میں اسپتال منتقل کردیا گیا۔
پولیس ذرائع کا کہنا ہے کہ حادثے میں پولیس اہلکار کی موٹر سائیکل تباہ ہوگئی۔ دوسری جانب پولیس کے مطابق زخمی اہلکار کواسپتال منتقل کردیاگیاجہاں اس کاعلاج جاری ہے اور انسپکٹر جنرل (آئی جی) اسلام آباد نے زخمی افسر کے بہترین علاج کے احکامات جاری کردیے۔
پولیس حکام نے بتایاکہ حادثے سے متعلق ضابطے کی کارروائی شروع کردی گئی ہے۔