گوگل کی جانب سے لوگوں کے ٹیکنالوجی کمپنیوں سے اپنی لوکیشن کو چھپانا لگ بھگ نا ممکن کے تاثر کو ختم کرنے کے لیے گوگل میپس میں سروس کو بدل کر رکھ دے گی۔
گوگل کی جانب سے اب صارفین کے ڈیٹا کو کلاؤڈ سرور کی بجائے ان کی ڈیوائسز میں ہی محفوظ کیا جائے گا،اس تبدیلی سے گوگل میپس کے صارفین کی پرائیویسی کو زیادہ تحفظ مل سکے گا۔
گوگل کے مطابق بتایا گیا ہے کہ یکم دسمبر تک صارفین اپنی لوکیشن ہسٹری کو موبائل ڈیوائسز پر منتقل کر سکتے ہیں جس کے بعد پرانے ڈیٹا کو کلاؤڈ سرور سے ڈیلیٹ کر دیا جائے گا۔
اگر آپ کو علم نہ ہو تو جان لیں کہ لوکیشن ہسٹری سے مراد ان علاقوں یا جگہوں کا ایسا انکرپٹڈ ریکارڈ ہے جہاں آپ جا چکے ہوتے ہیں،اس نئےفیچر میں لوکیشن ہسٹری کا نام بدل کر ٹائم لائن کر دیا جائے گا اور اس ڈیٹا کو آپ گوگل اکاؤنٹ کی بجائے اپنے فون پر ہی دیکھ سکیں گے۔
یعنی دسمبر 2024 سے ویب پر آپ لوکیشن ہسٹری تک رسائی حاصل نہیں کر سکیں گے،اس فیچر کا اعلان گوگل نے دسمبر 2023 میں کیا تھا مگر اب اس پر عملدرآمد شروع ہو رہا ہے۔
اگر آپ نے خود نئی ٹائم لائن سیٹنگز کو ان ایبل نہیں کیا تو پھر گوگل کی جانب سے خود 90 دن کی ٹریول ہسٹری کو اس ڈیوائس میں منتقل کر دیا جائے گا جس پر آپ نے گوگل اکاؤنٹ پر سائن ان کیا ہوگا۔
اس سے پرانے تمام ڈیٹا کو کمپنی کی جانب سے ڈیلیٹ کر دیا جائے گا، البتہ آپ 36 ماہ تک کے ڈیٹا کو محفوظ کر سکتے ہیں،کمپنی نے ایک بلاگ پوسٹ میں اس فیچر کا اعلان کیا۔
گوگل نے یہ واضح نہیں کیا کہ یہ تبدیلی کیوں کی جا رہی ہے، مگر کمپنی کے مطابق لوکیشن کی تفصیلات ذاتی ہوتی ہیں اور ہم انہیں محفوظ رکھنے کے لیے پرعزم ہیں۔