پولیس نے سردارتنویرالیاس کے بیٹوں کے خلاف تھانہ مارگلہ میں مقدمہ درج کیا تھا، شہری شیراز خان نے سردارتنویرالیاس کے بیٹوں کے خلاف تشدد کرنے پر مقدمہ درج کرایا۔
ذرائع کے مطابق پولیس ملزمان کی گرفتاری کیلئے پہنچی تو سردارتنویرالیاس نے مزاحمت کی جس پر سردارتنویرالیاس کو گرفتارکرلیا تھا، پولیس نے تنویرالیاس کوچھوڑدیا تاہم مقدمےمیں نامزد ان کے تینوں بیٹوں کو گرفتار کرلیا۔
مقدمے میں نامزد تنویرالیاس کے بھتیجے عفیف صغیر کو بھی گرفتار کرلیا گیا۔
ترجمان تنویرالیاس نے کہاکہ پولیس بے بنیاد مقدمات بنا کر تنویرالیاس اور ان کےگھروالوں کوتنگ کررہی ہے،سابق وزیراعظم آزادکشمیر اور ان کی فیملی پربےبنیاد مقدمات کا اندراج قابل مذمت ہے۔