پی ٹی آئی رہنما اور قومی اسمبلی میں اپوزیشن لیڈر عمر ایوب نے گوجرانوالہ کی سیشن کورٹ میں میڈیا سے گفتگو کرتے ہوئے کہا ہےکہ مقدمات بھگت لیں گے مگر اپنے مؤقف سے پیچھے نہیں ہٹیں گے۔
انہوں نے کہا کہ کچے کے ڈاکوؤں سے زیادہ زہریلے پکے کے ڈاکو ہیں، 450 ارب کھاجاؤ اورکہو پوچھ گچھ بھی نہ ہو، بجٹ میں کیا پیش کریں گے جو مہنگائی آرہی ہےآپ سوچ نہیں سکتے، آزاد کشمیر کو 3 ارب نہیں دیئے۔
وہاں جو ہوا دنیا نے انگلیاں اٹھائیں، وہاں جس طرح ہوا پاکستان میں بھی وہی ہوگا، عمران خان، بشریٰ بی بی اور شاہ محمودسمیت سب کو رہا کیاجائے، ہم مقدمات بھگت لیں گے مگر اپنے مؤقف سے پیچھے نہیں ہٹیں گے، مجھے الیکشن نظر آرہا ہے، عوام اٹھ کھڑے ہوں۔