پاکستان ٹینرز ایسوسی ایشن نے عید قرباں پرقربانی کے تخمینہ لگایا ہے، ملک میں 68 لاکھ 8 ہزارجانوروں کی قربانی کا اندازہ ہے، 33 لاکھ بکرے، ساڑھے 28 لاکھ گائے ذبح ہونے کا تخمینہ ہے۔
ایک لاکھ 65 ہزار بھینسیں، 99 ہزاراونٹ ذبح ہونے کے اندازہ ہے جبکہ ملک میں3 لاکھ 85 ہزاربھیڑقربان ہونے کا تخمینہ لگایا گیا ہے۔
پاکستان ٹینرزایسوسی ایشن کا کہنا ہے کہ گائے کی کھال 1500 اور بکرےکی کھال 425 روپے رہنےکا اندازہ ہے۔
گائے کی کھالیں 4 ارب 29 کروڑ روپے اور بکرے کی کھالیں ایک ارب 40 کروڑ 25 لاکھ روپے تک رہیں گی۔
سابق صدر پی ٹی اے دانش خان نے کہاکہ جانور مہنگا ہے، حصہ ڈال کر قربانی کرنا اس سال زیادہ رہےگا، پی ٹی اےکے اندازوں میں10،15فیصدکمی بیشی کی گنجائش ہے، قربانی کے جانوروں کی کھالیں 6 ارب روپے کی ہونگی۔
کیمیکل پروسیسنگ کے بعد کھالوں کی مالیت 18 ارب روپے ہوگی، چمڑا ویلیوایڈہوکر جیکٹ، جوتا یا کچھ اور بناکربیچیں تو مالیت 35 ارب روپے تک پہنچے گی۔