وزیر اعلیٰ خیبر پختونخوا علی امین گنڈاپور نے ڈیرہ اسماعیل خان میں پریس کانفرنس میں ایک بار پھر وفاقی حکومت کو دھمکی دیتے ہوئے کہا ہے کہ اگر نیشنل گرڈ سے صوبے کی بجلی کم کی گئی تو وہ نیشنل گرڈ سے بجلی بند کر دیں گے۔
انہوں نے کہا کہ وفاق اپنی ذمہ داری پوری نہیں کر رہا اور واپڈا کے پی کے ساتھ زیادتی کر رہا ہے، 12 گھنٹے سے زیادہ لوڈ شیڈنگ کسی فیڈر سے نہیں ہونی چاہیے، مجھے پتا ہے کہ آپ کس طرح بیٹھے ہیں اور آپ کو کس طرح نکالنا ہے، یہ لوگ مینڈیٹ چوری کرکے حکومت میں بیٹھے ہیں، وفاق اپنا رویہ ٹھیک کر لے اور ہیمں مجبور نا کرے کہ اسے دھکے دیکر نکالا جائے۔
وزیراعظم شہباز شریف نے کہا مجھے آپ کی سپورٹ چاہیے، وفاق کے ذمہ ہمارے صوبے کے 16 ارب روپے واجب الادا ہیں، وزیراعظم کو آخری بار کہتا ہوں صوبے کا پیسہ دیں، ہمیں اپنا حق لینے سے کوئی نہیں روک سکتا۔
قبل ازیں وزیر اعلیٰ کے پی علی امین گنڈا پور ڈیرہ اسماعیل خان میں بجلی بحال کرنے خود گرڈ اسٹیشن پہنچ گئے، انہوں نے اپنے اعلان کے مطابق لوڈ شیڈنگ کا دورانیہ 12 گھنٹے فکس کر دیا جبکہ ایم پی اے فضل الہٰی پھر مظاہرین کے ساتھ دوبارہ پشاور کے رحمان بابا گرڈ اسٹیشن میں پہنچے اور انہوں نے زبردستی لاسز والے فیڈرز سے بجلی بحال کر دی۔