لاہور ہائیکورٹ نے انٹرنیٹ بندش کے خلاف دائر درخواست پر سماعت کا تحریری حکم نامہ جاری کردیا،عدالت نے درخواست پر سماعت 21 اگست تک ملتوی کردی۔
لاہور ہائیکورٹ کی جانب سے جاری حکم نامے میں انٹرنیٹ کی بندش کے خلاف آئندہ سماعت پر تمام فریقین جواب جمع کروانے اور ہر فریق کے نمائندے کو کمرہ عدالت میں حاضری کو یقینی بنانے کی ہدایت کی گئی ہے۔
جسٹس شکیل احمد نے ندیم احمد کی درخواست پر کل کی سماعت کا حکم جاری کردیا۔ درخواست میں مؤقف اختیار کیا گیا ہے کہ انٹرنیٹ کی بندش سے وکلاء سمیت عام شہریوں کو مشکلات کا سامنا ہے۔