ایران میں پاکستان کے سفیر مدثر ٹیپو نے یزد میں زائرین کی بس کو حادثے کی وجہ اوور اسپیڈنگ اور بریک فیل کو قرار د یتے ہوئےکہا کہ زائرین کی بس کو حادثہ تہران سے 700 کلو میٹر دور یزد میں پیش آیا، بس میں 51 مساٖفر سوار تھے جب کہ حادثے کی وجہ بس کی اوورسپیڈنگ اور بریک فیل ہونا تھا، اوور سپیڈنگ کی وجہ بس ایک اسکول کی دیوار سے ٹکرائی۔
سفیر کے مطابق حادثے میں 28 پاکستانی شہری جاں بحق اور 23 زخمی ہیں جب کہ متعد زخمیوں کی حالت نازک ہے، بحق ہونےوالوں کی میتیں جتنی جلدی ممکن ہوا واپس بھیجیں گے، یزد کےلیے ائیرٹکٹس دستیاب نہیں تھے اس لیے افسر گاڑی پرگئے ہیں۔
پاکستانی سفارتخانے نے اطلاع ملتے ہی ہنگامی بنیادوں پرکام شروع کرکے ایرانی حکام سےرابطہ کیا، ایرانی وزارت خارجہ کےحکام اور یزد کی مقامی حکومت سے بھی رابطے میں ہیں، زخمیوں کی ہر ممکن مدد کرنے کی کوشش کررہے ہیں، پاکستانی سفارتی حکام کو زخمیوں کی مدد کےلیے تہران سے روانہ کردیا گیا ہے۔