اسلام آباد(شوریٰ نیوز) آئی ایم ایف توسیعی فنڈ 9 ویں اور 10ویں جائزہ کو جمع کرنیکا عندیہ،فنڈ پروگرام کی بحالی کے لیے تعطل کو توڑنے کے لیے پیر کی شام کو ورچوئل راؤنڈ کا انعقاد کیاگیا تفصیلات کے مطابق آئی ایم ایف نے 6.5 ارب ڈالرز کی توسیعی فنڈ سہولت کے تحت 9 ویں اور 10ویں جائزے کو جمع کرنے کا عندیہ دیا ہے تاہم دونوں فریقین اب تک آنے والے بجٹ کے لیے میزانیہ اعداد و شمار کے بارے میں وسیع تر معاہدہ کرنے میں ناکام رہے ہیں۔آئی ایم ایف اور پاکستانی فریق نے ای ایف ایف کے تحت رکے ہوئے فنڈ پروگرام کی بحالی کے لیے تعطل کو توڑنے کے لیے پیر کی شام کو ورچوئل راؤنڈ کا انعقاد کیا جس کی میعاد 30 جون 2023 کو ختم ہو رہی ہے۔اعلیٰ سرکاری ذرائع نے ایک قومی اخبارسے گفتگو کرتے ہوئے کہا کہ پاکستانی فریق کی خواہش ہے کہ وہ اسٹاف لیول معاہدے پر دستخط کرے تاکہ 9 ویں جائزے کو آزادانہ کام کرنے والا (standalone) کے طور پر مکمل کیا جا سکے لیکن آئی ایم ایف نے 9ویں اور 10ویں جائزے کو جمع کرنے کا عندیہ دیا ہے۔