سابق وزیراعظم آزاد کشمیر سردار عتیق نے حریت پسند کشمیری رہنما سید علی گیلانی کی تیسری برسی کے موقع پر منعقد سیمینار سے خطاب کرتے ہوئے کہا ہے کہ ہمیں کشمیر کے معاملے پر حکمت عملی تبدیل کرنے کی ضرورت ہے۔
انہوں نے کہا کہسید علی گیلانی نے مشکل ترین حالات میں کشمیر کی نمائندگی کی، کشمیر میں معصوم شہری آج بھی جانوں کی قربانیاں دے رہے ہیں،کشمیر پر حکمت عملی تبدیل کرنے کی ضرورت ہے، کشمیر کی آزادی کی تحریک کو پرو ایکٹو کرنے کی ضرورت ہے۔
کشمیر کا تعلق پاکستان کے دفاع سے اور پاکستان کے دفاع کا تعلق ایٹمی پروگرام کے ساتھ ہے۔
مسلم لیگ ن کے رہنما لیگ راجہ ظفرالحق کا سیمینار سے خطاب کرتے ہوئے کہا کہکشمیر کے لیے پاکستان اپنا کردار ادا نہیں کر سکا، جب آپ کشمیر کیلئے عملی طور پر نکلیں گے ہی نہیں تو کشمیر کیسے آزاد ہو گا۔
کشمیر میں جماعت اسلامی پر پابندی لگائی گئی، بنگلا دیش کے طالب علموں نے وہ کر دکھایا جو کوئی نہ کر سکا، بھارت اب بتانے کو بھی تیار نہیں کہ حسینہ واجد کو کہاں رکھا ہوا ہے،ہم بھارتی سفارت خانے گئے اور وہاں بھی کشمیرکے لیے آواز اٹھائی، تقریروں کی بجائے کوئی کمیٹی بنائیں تاکہ کشمیر پر کام شروع ہو سکے۔