وزیراعظم شہباز شریف نےکہا ہےکہ فچ اور موڈیزکا پاکستان کی کریڈٹ ریٹنگ اپ گریڈکرنا مثبت معاشی اشاریوں کا اعتراف ہے۔
فچ کے بعد موڈیز نے بھی پاکستان کی کریڈٹ ریٹنگ کو اپ گریڈ کیا ہے جو عالمی مالیاتی اداروں کی جانب سے پاکستان کے مثبت معاشی اشاریوں کا اعتراف ہے،عوام کی مشکلات کا احساس ہے، حکومت عوام کے مسائل کے حل کے لیے دن رات کام کر رہی ہے۔
وفاقی حکومت اور پنجاب حکومت کی جانب سے بجلی صارفین کو بلوں کی مد میں ایک بڑا ریلیف دیا گیا، آج سے پیٹرولیم مصنوعات کی قیمتوں میں مزید کمی کی گئی ہے،حکومت معاشی اصلاحات کی پالیسی پر گامزن ہے، حکومت کی رائٹ سائزنگ پالیسی کے بھی معیشت پر مثبت اثرات جلد نمایاں ہوں گے۔