خیبرپختونخوا کے مشیرخزانہ مزمل اسلم نے کہا ہے کہ مریم نواز نے بجلی سبسڈی دے کر بڑی غلطی کی ہم ایسا نہیں کریں گے، نواز شریف اورمریم نواز نے بارودی سرنگیں بچھانا شروع کردی ہیں۔ مریم نواز نے بجلی سبسڈی دے کر بڑی غلطی کی ہم ایسا نہیں کریں گے۔
انہوں نے اپنی گردن آئی ایم ایف کے ہاتھ میں دے دی ہے۔ بجلی سبسڈی پر بڑی سیاست کی گئی اب آئی ایم ایف کہہ رہا ہے کہ ستمبر تک ریلیف واپس کریں۔ وفاق کے بجٹ کو دیکھ کر بجٹ بنائیں گے تو پورا بجٹ خراب ہوگا۔ ہر مہینے منی بجٹ آ رہا ہے۔ ہم نے ٹیکس نہیں لگایا اور نہ ہی بڑھایا ہے۔
خیبرپختونخوا 7 روپے میں بجلی بناتا اور 70 روپے میں خریدتا ہے۔ ہم اپنی ٹرانسمیشن لائن بچھائیں گے اور اپنی بجلی کے فیصلے ہم خود کریں گے۔ ہم ریگولیٹری اتھارٹی بنا رہے ہیں۔ رہنما ن لیگ عطا تارڑ کو آئین اور معیشت کا کچھ علم نہیں ہے، مجھے معلوم نہیں کابینہ میں کیا ہو رہا ہے۔ میں اپنے دفتر تک محدود ہوں سیاسی سرگرمیوں میں نہیں پڑتا۔