وزیراعظم سے ملاقات، نجم سیٹھی چیئرمین پی سی بی کیلئے امیدوار نامزد

اسلام آباد(شوریٰ نیوز)وزیراعظم سے ملاقات، نجم سیٹھی چیئرمین پی سی بی کیلئے امیدوار نامزد ،شہباز شریف نے پی سی بی کے انتخابات کا عمل جلد مکمل کرنے کی ہدایت کی، پاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی کی وزیراعظم اور پیٹرن اِن چیف شہباز شریف سے آسلام آباد میں ملاقات ہوئی ہے۔بورڈ کے سربراہ نے وزیراعظم کو ایشیاکپ اور ورلڈکپ کی صورتحال سے آگاہ کیا، اس موقع پر شہباز شریف نے نجم سیٹھی پر اظہار اعتماد کرتے ہوئے ان کو گورننگ بورڈ کیلیے نامزد کیا جبکہ مزید ایک رکن بھی حکومت کی جانب سے نامزد ہوگا جس کیلئے مصطفی رمدے کو مضبوط امیدوار ہیں۔ شہباز شریف نے پی سی بی کے انتخابات کا عمل جلد مکمل کرنے کی ہدایت کی، نجم سیٹھی نے بریفنگ دیتے ہوئے بتایا کہ بورڈ نے 2014 کا آئین مکمل بحال کردیا، 90 فیصد سے زیادہ اضلاع میں پی سی بی ڈسٹرکٹس کا الیکشن مکمل ہوچکا، ایک سالہ کرکٹ کیلنڈر مکمل کرلیا گیا ہے جس کا جلد اعلان ہوگا جبکہ ڈیپا رٹمنٹل کرکٹ کے حوالے سے بھی آگاہ کیا گیا۔