امیر جماعت اسلامی کراچی منعم ظفر نے کراچی میں میڈیا سے گفتگو کرتے ہوئے کراچی کی خستہ حالی پر سندھ حکومت کو تنقید کا نشانہ بناتے ہوئے کہا کہ پیپلز پارٹی صرف لوٹ مارکرنے اقتدار میں آتی ہے۔
کراچی وہ بدقسمت شہر ہے جہاں فارم 47 کے نمائندگان قابض ہیں، اس بدقسمت شہر کی سڑکیں ایسی بنائی جاتی ہیں جو تباہ ہو جائیں، بارش کے دوران سڑکیں بہہ جاتی ہیں۔
شہرِ قائد کا ہر منصوبہ 6 سے 8 سال تک کی تاخیر کا شکار ہو جاتا ہے، اورنج لائن کا منصوبہ 6 سال تک بنتا رہا، بی آر ٹی ریڈ لائن کے نام پر یونیورسٹی روڈ کو کھود دیا گیا جبکہ ریڈ لائن کا منصوبہ شہریوں کے لیے وبالِ جان بن چکا ہے۔
منعم ظفر نے میئر کراچی سے سوال کرتے ہوئے کہا کہ مرتضیٰ وہاب سے پوچھا جائے کہ وہ کیا کام کرتے رہےہیں؟ پیپلز پارٹی صرف لوٹ مارکرنے آتی ہے۔