اسلام آباد جلسے میں کارکنوں پر لاٹھی چارج اور آنسوگیس کے استعمال کے خلاف پی ٹی آئی نے قانونی کارروائی کرنے کا فیصلہ کیا ہے۔
مشیر اطلاعات خیبر پختونخوا بیرسٹر محمدعلی سیف نے کہا کہ قانونی چارہ جوئی کا حق محفوظ رکھتے ہیں، جلسہ ہمارا آئینی اور جمہوری حق تھا۔ حواس باختہ حکومت نے ہمیں آئینی وجمہوری حق سے محروم رکھنے کی کوشش کی۔
انہوں نےکہا کہ جو بھی پامالی ہوئی ہے اس کے خلاف قانونی کارروائی کریں گے، متعین راستوں پر رکاوٹیں کھڑی کی گئی تھیں اور کارکنوں پر شیلنگ کی گئی اور لاٹھیاں برسائی گئیں، جعلی حکومت فسطائیت کے ریکارڈ توڑ رہی ہے۔
پی ٹی آئی کی جانب سے قانونی کارروائی کے لیے لیگل ٹیم کا اجلاس طلب کرلیا گیا ہے۔