پاکستان تحریک انصاف کے بانی عمران خان کی بہن علیمہ خان نے اڈیالا جیل کے باہر میڈیا سے گفتگو میں کہا ہے کہ سننے میں آرہا ہے بانی پی ٹی آئی کو ملٹری جیل میں ڈالنے کی کوشش ہے، انہیں سمجھ نہیں آرہی کہ بانی پی ٹی آئی کو کیسے جیل میں رکھیں۔
انہوں نے کہا کہ سننے میں آرہا ہے یہ بانی پی ٹی آئی کو ملٹری جیل میں ڈالنا چاہتے ہیں، ہم پوچھ رہےہیں کہ بانی پی ٹی آئی کو کیوں ملٹری کسٹڈی میں دینا چاہتے ہیں؟ ہم اپنی عدالتوں پر بھروسہ کررہے ہیں اور چیف جسٹس سے اپیل کرتے ہیں کہ ہمیں آئینی تحفظ دیا جائے۔
عمران کے ملٹری ٹرائل کا معاملہ زیرغور ہے یا نہیں؟ اسلام آباد ہائیکورٹ نے واضح جواب مانگ لیا،خیال رہے کہ گزشتہ دنوں ہی اسلام آباد ہائیکورٹ نے عمران خان کا ملٹری ٹرائل زیر غور ہونے یا نا ہونے سے متعلق وفاقی حکومت سے واضح جواب مانگا ہے۔