اسلام آباد(شوریٰ نیوز) شاہ محمود قریشی کی رہائی ڈیل کا نتیجہ، راجہ ریاض کا دعویٰ،چیئرمین پی ٹی آئی کے ساتھ کوئی نہیں کھڑا ہوگا، شاہ محمود قریشی بھی بالآخر پی ٹی آئی چھوڑدینگےاپنے انٹرویو میںقومی اسمبلی میں قائد حزب اختلاف راجہ ریاض کا کہنا تھاکہ جو اڈیالہ سے رہا ہوکر دوبارہ گرفتار نہ ہو اور گھر چلا جائے تو اس کا مطلب ہے کہ اُس نے ضرور کوئی نہ کوئی معاہدہ کیا ہے۔انہوں نے کہا کہ مشکل وقت میں چیئرمین پی ٹی آئی کے ساتھ کوئی نہیں کھڑا ہوگا، شاہ محمود قریشی بھی بالآخر پی ٹی آئی چھوڑدیں گے۔مسلم لیگ ن کی جانب سے ٹکٹ دیے جانے کےسوال پر راجہ ریاض کا کہناتھاکہ مسلم لیگ ن نے جو وعدہ کیا تھا وہ آج بھی پورا کرنے کو تیار ہے۔انہوں نے دعویٰ کیا کہ مجھے اکتوبر میں الیکشن ہوتے نظر نہیں آرہے، آئین میں الیکشن 6 ماہ آگے بڑھانے کی گنجائش موجود ہے۔