جے یو آئی ایف کے رہنما کامران مرتضیٰ نے کہا ہےکہ آئینی ترمیم کیلئے حکومتی نمبرز پورے نہیں اور اگر نمبرز پورے ہیں تو وہ کسی اور طرح ہوں گے جو شرمناک ہے۔
آج ڈھائی بجے پیپلز پارٹی کے ساتھ میٹنگ رکھی ہے، دیکھتے ہیں تجاویز پر ہم کہاں تک آگے بڑھ سکتے ہیں۔
انہوں نے تحریک انصاف سے درخواست کرتے ہوئے کہا کہ یہ موقع احتجاج کا نہیں ہے۔
کامران مرتضیٰ کا کہنا تھا کہ آئینی ترمیم کیلئے حکومتی نمبرز پورے نہیں، اگر نمبرز پورے ہیں تو وہ کسی اور طرح ہوں گے جو شرمناک ہے۔
دوسری جانب پی ٹی آئی رہنما اسدقیصر نے دعویٰ کیا ہے کہ قانون سازی کے لیے پیسوں کی بوریاں کھول دی گئی ہیں، ایک ایک ایم این اے کو 20 سے 50 کروڑ تک آفر ہو رہی ہے۔
ادھر پی ٹی آئی رہنما عمر ایوب نے کہا کہ حکومت آئینی ترمیم کرے پتا لگ جائے گا، ہمارے ایم این ایز ٹھکرا رہے ہیں، ہمارے ایم این ایز ہمارے ساتھ ہیں۔