نیوزی لینڈ کے آل راؤنڈر مائیکل بریسویل ورلڈکپ سے آئوٹ

آکلینڈ(شوریٰ نیوز)نیوزی لینڈ کے آل راؤنڈر مائیکل بریسویل ورلڈکپ سے آئوٹ،مائیکل بریسو یل کی جمعرات کو انگلینڈمیں ایڑھی کی سرجری کی جائے گی، نیوزی لینڈ کے آل راؤنڈر مائیکل بریسول آئی سی سی مینز کرکٹ ورلڈکپ سے باہر ہوگئے۔نیوزی لینڈ کرکٹ کے مطابق بریسول ایڑھی کی انجری کے باعث 6 سے 8 مہینوں کے لیے کرکٹ سے باہر ہوگئے ہیں، وہ ٹی ٹوئنٹی بلاسٹ میں وورسٹر شائر کی طرف سے بیٹنگ کرتے ہوئے انجرڈ ہوئے۔مائیکل بریسول نیوزی لینڈکے ون ڈے پلیئر آف دی ایئر ہیں جن کی جمعرات کو انگلینڈمیں سرجری ہوگی جس کے بعد آل راؤنڈر کا طویل ری ہیب شروع ہوگا۔ری ہیب طویل ہونے کے باعث بریسول اکتوبر نومبر میں ہونے والے ورلڈ کپ سے باہر ہوگئے ہیں۔نیوزی لینڈ کرکٹ ٹیم کے کوچ کا کہنا ہے کہ بریسول کا انجرڈ ہونا ٹیم کے کے لیے ایک بہت بڑا دھچکا ہے۔واضح رہے کہ آئی سی سی مینز کرکٹ ورلڈ کپ کا 13واں ایڈیشن اکتوبر اور نومبر میں کھیلا جائے گا، ایونٹ کے میچز بھارت میں ہوں گے جس کا شیڈول آنے والے کچھ دنوں میں جاری کردیا جائے گا۔