سپیشل اولمپکس ورلڈ گیمز ، سیف اللہ سولنگی نے چار تمغے جیت لیے

برلن(شوریٰ نیوز) سپیشل اولمپکس ورلڈ گیمز ، سیف اللہ سولنگی نے چار تمغے جیت لیے، پاکستانی ایتھلیٹ نے پاور لفٹنگ ایونٹ میں گولڈ میڈل جیت لیا،پاکستانی ایتھلیٹ سیف اللہ سولنگی نے جرمنی میں جاری سپیشل اولمپکس ورلڈ گیمز میں چار تمغے جیت لیے۔سیف اللہ سولنگی نے پاور لفٹنگ ایونٹ میں بیک سکواٹ میں 90 کلوگرام وزن اٹھا کر ایک گولڈ میڈل جیتا جبکہ ڈیڈ لفٹ میں 115 کلوگرام وزن اٹھا کر ایک اور گولڈ میڈل اپنے نام کرنے میں کامیاب ہوگئے۔سیف اللہ سولنگی نے کمبائنڈ میں 245 کلوگرام وزن اٹھا کر سلور میڈل حاصل کیا اور بینچ 40 کلوگرام ویٹ لفٹنگ میں کانسی کا تمغہ بھی انکے نام رہا۔سیف اللہ کے ہیڈ کوچ ساجد عمران اور کوچ رضیہ پروین کا کہنا ہے کہ سیف اللہ سولنگی نے اس ایونٹ کے لیے سخت محنت کی ہے اور اسکی شاندار کارکردگی ہمارے لیے فخر ہے۔