ون ڈے ورلڈکپ شیڈول کا اعلان 27 جون کو متوقع

بنگلور(شوریٰ نیوز)ون ڈے ورلڈکپ شیڈول کا اعلان 27 جون کو متوقع ،پاکستان نے ورلڈ کپ میں افغانستان سے وارم اپ میچ تبدیل کرنے کی درخواست کردی ، شیڈول ورلڈکپ کے 100 دن کے کاؤنٹ ڈاؤن کے موقع پر سامنے لایا جاسکتا ہے، 5 اکتوبر سے بھارت میں ہونے والے ورلڈکپ کے آغاز سے 100 دن کا کاؤنٹ ڈاؤن 27 جون سے شروع ہوگا۔بتایا جارہا ہے کہ شیڈول میں تاخیر پاکستان کی طرف سے چند وینیوز پر اعتراضات کی وجہ سے ہوئی۔اس سے قبل شیڈول ورلڈ ٹیسٹ چیمپئن شپ کے فائنل کے موقع پر جاری ہونا تھا جو بھارت اور آسٹریلیا کے درمیان کھیلی گئی۔پاکستان نے ورلڈ کپ میں افغانستان سے وارم اپ میچ تبدیل کرنے کی درخواست کردی پاکستان نے افغانستان کے خلاف میچ چنئی اور آسٹریلیا کے خلاف بنگلور کے میچز کے وینیو کو بدلنے کا کہا تھا،پاکستان نے کنڈیشنز کی بنیاد پر چنئی اور بنگلور کو تبدیل کرنے کا کہا ہے۔اس کے علاوہ پاکستان نے افغانستان کے خلاف وارم اپ میچ بدلنے کا بھی کہا تھا کیونکہ پاکستان نے کسی غیر ایشین ٹیم سے وارم اپ میچ رکھنے کا کہا ہے۔تاہم سکیورٹی کے علاوہ وینیوز تبدیل کرنے کے لیے مضبوط وجہ بتانا ضروری ہے، مضبوط وجہ نہ ہونے کی بنیاد پر پاکستان کا مؤقف تسلیم کیے جانے کا امکان نہیں ہے۔ آئی سی سی مینز کرکٹ ورلڈ کپ رواں برس اکتوبر اور نومبر میں بھارت میں کھیلا جانا ہے۔