پنجاب کے ضلع رحیم یارخان میں پولیس نے کچے کے علاقے میں آپریشن کرتے ہوئے ڈاکوؤں کے ہاتھوں اغوا ہونے والے 3 مغویوں کو بازیاب کروا لیا۔
پولیس ذرائع کے مطابق چند روز قبل راجن پورسے اغو ہونے والے 3 افراد کو کچے کے علاقے میں آپریشن کرتے ہوئے ڈاکوؤں کے چنگل سے آزاد کروا لیا گیا ہے۔
ادھر سندھ کے علاقے کشمور میں بھی کچے کے علاقے میں آپریشن کر کے تین مغویوں کو بازیاب کروایا گیا۔
پولیس کے مطابق مقابلے کے دوران ڈاکو تینوں مغویوں کو چھوڑ کر فرار ہو گئے، مغویوں کو 20 روز قبل گاؤں نائچ سے اغوا کیا گیا تھا۔