مودی کی سرپرستی میں گجرات اور منی پور فسادات میں مماثلت کا انکشاف

کنگسٹن(شوریٰ نیوز)مودی کی سرپرستی میں گجرات اور منی پور فسادات میں مماثلت کا انکشاف،برطانوی جریدے نے مودی سرکار کی انسانی حقوق کی خلاف ورزیوں پر سوالات اٹھا دیئے،برطانوی جریدے  کی رپورٹ میں کہا گیا ہےکہ بھارتی ریسلنگ کی صدرپرخواتین ریسلرکی طرف سے جنسی استحصال کے الزامات کے باوجود کسی بھی قسم کا ایکشن لینے سے گریز کیا گیا جب کہ مودی سرکارنے ڈاکومینٹری نشر کرنے پر بی بی سی کے دفاتر اور ملازمین کے گھروں پر چھاپے مار کر ہراساں کیا۔ منی پور میں 2 ماہ سےخانہ جنگی کے باعث 250 سے زائدچرچ نذر آتش ہوچکے، منی پور میں 2 ماہ کے دوران 115افراد ہلاک ہوئے اور 4 ہزار سے زائد نقل مکانی پر مجبور ہوئے۔ بھارت دنیا بھر میں انٹرنیٹ بندش کے لحاظ سے گزشتہ 4 سالوں سے سر فہرست رہا، ذرائع ابلاغ کی بندش میں بھارت یوکرین پر بھی سبقت لے گیا۔ مودی کی سرپرستی میں گجرات فسادات اور منی پور فسادات میں گہری مماثلت ہے، 2004 میں گجرات فسادات میں سپریم کورٹ کے فیصلے میں مودی کو رومن شہنشاہ نیرو سے تشبیہ دی گئی ہے۔