امریکا کی دہشتگردی کیخلاف طالبان سے پاکستان کے مطالبے کی حمایت

واشنگٹن(شوریٰ نیوز)امریکا کی دہشتگردی کیخلاف طالبان سے پاکستان کے مطالبے کی حمایت ،پاکستان نے افغانستان سے دہشت گردی کو روکنے کا مطالبہ کررکھا ہے ، پاکستان کے طالبان سے افغان سرزمین کو دہشت گردوں کی محفوظ پناہ گاہ بننے سے روکنے کے مطالبے کی امریکا نے بھی حمایت کردی۔ امریکی محکمہ خارجہ کے ترجمان میتھیو ملر نے کہا ہے کہ افغانستان میں دستیاب محفوظ پناہ گاہیں، جدید ترین ہتھیار اور دہشت گردی کی کارروائیوں کی آزادی نے عسکریت پسندوں کو سرحد پار پاکستان کے اندر حملے کرنے کے قابل بنایا ہے۔ہفتہ وار پریس بریفنگ میں میتھیو ملر نے اس موقف کو دہرایا کہ اپنی سرزمین سے شروع ہونے والی دہشت گردی کو کنٹرول کرنے کی ذمہ داری طالبان عائد ہوتی ہے جیسا کہ انھوں نے امن معاہدے میں وعدہ کیا تھا۔