پاکستان اور نیوزی لینڈ کے درمیان سہ فریقی سیریز کے پہلے میچ کے دوران کیوی کھلاڑی راچن رویندرا ماتھے پر گیند لگنے سے زخمی ہوگئے تھے۔
اب ترجمان نیوزی لینڈ کرکٹ ٹیم نے بتایا ہے کہ راچن کے ماتھے پر بال لگنے سے کٹ لگا تھا، انہیں 38 ویں اوور میں گیند ماتھے پر لگی تھی۔
کیوی آل راؤنڈر کی گراؤنڈ میں ٹریٹمنٹ کی گئی تھی تاہم اب ترجمان کا بتانا ہے کہ راچن راویندرا اس وقت بہتر محسوس کر رہے ہیں۔
ترجمان کے مطابق کرکٹر کی پہلی ہیڈ انجری اسسمنٹ درست آئی ہے لیکن ان کے مزید اسسمنٹ پروٹوکولز جاری رہیں گے۔
واضح رہے کہ سہ ملکی سیریز کے پہلے میچ میں نیوزی لینڈ نے میزبان پاکستان کو 78 رنز سے شکست دے دی تھی۔