بنگلادیش کے آل راؤنڈر شکیب الحسن لاہور قلندرز کا حصہ بن گئے، وہ پی ایس ایل 10 کے بقیہ میچز میں لاہور قلندر کی نمائندگی کریں گے۔
لاہور قلندرز نے بنگلادیش کے مایہ ناز آل راؤنڈر شکیب الحسن کو پاکستان سپر لیگ 10 کے بقیہ میچوں کے لیے شامل کرنے کی تصدیق کر دی۔
شکیب الحسن 17 مئی کو اسلام آباد میں اپنے سکواڈ میں شامل ہوں گے، شکیب کو ڈیرل مچل کی جگہ سکواڈ میں شامل کیا گیا ہے جو کراچی کنگز کے خلاف میچ میں انجری کا شکار ہوگئے تھے۔
اس حوالے سے شکیب الحسن نے کہا ہے کہ پی ایس ایل کی ٹیم لاہور قلندرز میں شامل ہونے پر خوش ہوں جبکہ ٹیم ڈائریکٹر ثمین رانا نے لاہور قلندرز کی فیملی میں شکیب کی شمولیت کو خوش آئند تبدیلی قرار دیا ہے۔