پاکستان سپر لیگ (پی ایس ایل) میں معروف غیر ملکی اسپورٹس پریزنٹر ایرن ہالینڈ پر پاکستانیوں رَنگ چڑھ گیا۔
حال ہی میں کامیابی سے اختتام پذیر ہونے والی پاکستان سپر لیگ (پی ایس ایل 10) کا حصہ بننے والی آسٹریلوی اسپورٹس پریزنٹر پر بھی پاکستان کی دیوانی ہوگئیں۔
اپنی فوٹو اینڈ ویڈیو شیئرنگ ایپ انسٹاگرام پر اسپورٹس پریزنٹر نے چائے کے اسٹال پر بغیر پانی ڈالے دودھ پتی چائے کو بنانے اور سیکھنے کی ویڈیو شیئر کی، جس نے مداحوں کے دل میں گھر کرلیا۔
وہ اسٹال ہولڈر سے پوچھ کر دودھ میں چینی اور پتی مطلوبہ مقدار میں ڈالتی رہیں اور سیکھتی رہیں، چائے بننے کے بعد کسٹمرز کو پیش کرتی ہوئی بھی نظر آئیں۔
اس کے ساتھ ہی وہ ویڈیو میں خود بھی مزے مزے سے چسکیاں لے کر پیتی بھی دکھائی دیتی ہیں اور ٹوٹی پھوٹی اردو میں کہتی ہیں کیا بات ہے۔
ان کا کہنا ہے کہ انہیں یہ چائے اتنی پسند آئی ہے کہ وہ اپنے وطن آسٹریلیا جا کر اسی طریقے سے چائے بنا کر پیئیں گی۔
قبل ازیں ایرن ہالینڈ کراچی میں میچز کے دوران نلی بریانی کھانے ایک ریسٹورینٹ پہنچیں تھی، جہاں مداحوں نے انکے ساتھ تصاویر و ویڈیو بھی بنوائیں تھی۔