امریکا کی نامور ٹینس سٹار اورمیگا ایونٹ کی سکستھ سیڈڈ میزبان 19 سالہ کوکوگف نے میگا ایونٹ کے کوارٹر فائنل رائونڈ میں لٹویا کی 26 سالہ جیلینا اوسٹاپینکو کو شکست دے کرپہلی مرتبہ ٹاپ فور میں جگہ بنا لی۔
جمہوریہ چیک کی ہی کیرولینا موچووا نے ٹاپ ایٹ میچ میں رومانیہ کی سوراناکرسٹیا کو ہرا کر سیمی فائنل کے لئے کوالیفائی کیا۔ سال کے چوتھے اور آخری گرینڈ سلام یو ایس اوپن ٹینس ٹورنامنٹ کے دلچسپ مقابلے امریکا کے شہر نیویارک میں جاری ہیں۔
ویمنز سنگلز مقابلوں کے ٹاپ 8 رائونڈ میں امریکا کی نامور ٹینس سٹار اورمیگا ایونٹ کی سکستھ سیڈڈ کوکوگف نے انتہائی شاندار کارکردگی کا مظاہرہ کرتے ہوئے حریف لٹویا کی 26 سالہ جیلینا اوسٹاپینکو کو سٹریٹ سیٹس میں 0-6 اور 2-6 سے شکست دے کر پہلی مرتبہ یو ایس اوپن ٹینس ٹورنامنٹ کے سیمی فائنل کے لئے کوالیفائی کیا۔
میگا ایونٹ کے ویمنز سنگلز کے دوسرے کوارٹر فائنل میچ میں جمہوریہ چیک کی ہی کیرولینا موچووا نے عمدہ کھیل پیش کرتے ہوئے رومانیہ کی سورانا کرسٹیالٹویا کو سٹریٹ سیٹس میں 0-6 اور 3-6 سے ہرا کر نہ صرف میگا ایونٹ سے باہر کردیا بلکہ سیمی فائنل رائونڈ کے لئے بھی کوالیفائی کرلیا، جہاں ان کا مقابلہ امریکی ٹینس کھلاڑی کوکوگف سے ہوگا۔