انڈر 18 ایشیا ہاکی کپ میں پاکستان نے ملائیشیا کو ہرا کر فائنل کیلئے کوالیفائی کرلیا۔چین کے شہر ڈاہوز میں جاری ایشیا کپ کے سیمی فائنل میں پاکستان اور ملائیشیا کا میچ ہوا، مقررہ وقت میں میچ تین تین گول سے برابر رہا۔
میچ کو فیصلہ کن بنانے کے لیے پانچ پانچ پینالٹی شوٹ آؤٹس لگائے گئے جس پر پاکستان نے تین کے مقابلے میں چار گول سے کامیابی حاصل کی۔پاکستان کی جیت میں گول کیپر غلام مصطفی نے دو گول روک کر اہم کردار اداکیا، غلام مصطفی کا تعلق لاہور کی خواجہ جنید اکیڈمی سے ہے۔
انڈر18 ایشیا کپ کا فائنل پاکستان اور جاپان کے درمیان اتوارکو ہوگا، جاپان نے دوسرے سیمی فائنل میں بنگلہ دیش کو چار کے مقابلے میں چھ گول سے شکست دی۔