پاکستان ویمنز اے نے تھائی لینڈ ویمنز ایمرجنگ کو پہلے ٹی ٹونٹی کرکٹ میچ میں 8 وکٹوں سے شکست دے دی،جمعہ کو قذافی سٹیڈیم لاہور میں یہ میچ بارش کے سبب تاخیر سے شروع ہوا اور اسے 15 اوورز تک محدود کردیا گیا ۔
پاکستان ویمنز اے نے ٹاس جیت کر تھائی لینڈ ایمرجنگ کو فیلڈنگ کا فیصلہ کیا۔ تھائی لینڈ کی ویمنز ٹیم نے 7 وکٹوں کے نقصان پر70 رنز بنائے۔
جواب میں پاکستان ویمنز اے نے مطلوبہ ہدف 13.2 اوورز میں صرف 2 وکٹوں کے نقصان پر حاصل کرلیا ۔تھائی لینڈ ایمرجنگ کی اننگز میں سوانن کھیاٹو نے تین چوکوں کی مدد سے 25 رنز بنائے اور وہ آٹ نہیں ہوئیں۔کھونچا روئینکائی نے 22 رنز سکور کیے ان کی اننگز میں بھی تین چوکے شامل تھے۔
پاکستان ویمنز اے کی طرف سے عمیمہ سہیل رامین شمیم اور صائمہ ملک نے دو، دو وکٹیں حاصل کیں۔پاکستان ویمنز اے کی اننگز میں شوال ذوالفقار چار چوکوں کی مدد سے 31رنز بناکر نمایاں رہیں ۔ کائنات حفیظ نے 20 اور عمیمہ سہیل نے16 رنز بنائے اور دونوں آٹ نہیں ہوئیں۔