شعیب ملک 2 فروری کو بنگلادیش پریمیئر لیگ میں اپنی ٹیم فارچیون باریشال کو جوائن کریں گے اور سہلٹ میں کھلنا ٹائیگرز کے خلاف 3 فروری کو میچ کھیلیں گے۔
واضح رہے کہ شعیب ملک نے گزشتہ ہفتے بی پی ایل کو چھوڑ دیا تھا، وہ نجی مصروفیت کے باعث ڈھاکا سے دبئی چلے گئے تھے۔
شعیب ملک کے اچانک ٹیم کو چھوڑنے کے بعد ان کے فکسنگ میں ملوث ہونے کے الزامات لگے جس پر پہلے فارچیون باریشال اور پھر شعیب ملک نے ایسی خبروں کی تردید کی تھی۔
شعیب ملک فارچیون باریشال کے کپتان تمیم اقبال کو بتا کر نجی مصروفیت کی و جہ سے دبئی گئے،شعیب ملک نے تمیم اقبال کو بتایا تھا کہ ضرورت پڑنے پر دوبارہ آؤں گا۔
شعیب ملک کو کپتان تمیم اقبال نے دوبارہ ٹیم جوائن کرنے کا کہا ، شعیب نے 6 کی بجائے 4 نمبر پر بیٹنگ کرنے کی بات کی، شعیب ملک اب باریشال کی جانب سے 4 نمبر پر بیٹنگ کریں گے۔