کیریبین پریمیئر لیگ میں کل(بدھ کو ) مزیدایک میچ کھیلا جائے گا،جس میں سینٹ لوشیا کنگز اور ٹرنباگو نائٹ رائیڈرزٹیمیں ڈیرن سیمی نیشنل کرکٹ سٹیڈیم، گروس آئیلیٹ، سینٹ لوشیا کے مقام پر آمنے سامنے ہوں گی۔ سی پی ایل کابارہواں ایڈیشن ویسٹ انڈیز میں جاری ہے جس میں شائقین کو دلچسپ اور کانٹے دار مقابلے دیکھنے کو مل رہے ہیں ۔
لیگ میں دنیائے کرکٹ کے مختلف ممالک کے نامور کھلاڑی ایکشن میں نظر آئیں گے۔ لیگ میں 11 ستمبر کوکھیلے جانے والے واحد میچ میں سینٹ لوشیا کنگز اور ٹرنباگو نائٹ رائیڈرزٹیمیں ڈیرن سیمی نیشنل کرکٹ سٹیڈیم، گروس آئیلیٹ، سینٹ لوشیا کے مقام پر نبرد آزما ہوں گی۔ سینٹ لوشیا کنگز کو پروٹیز بلے باز فاف ڈوپلیسی لیڈ کر رہے ہیں ۔
ٹرنباگو نائٹ رائیڈرزکی ٹیم کو مایہ ناز آل رائونڈر کیرون پولارڈ لیڈ کر رہے ہیں۔ پوائنٹس ٹیبل پر سینٹ لوشیا کنگز کی ٹیم چار پوائنٹس کے ساتھ تیسرے جبکہ ٹرنباگو نائٹ رائیڈرزٹیم دو پوائنٹس کے ساتھ پانچویں نمبر پر ہے۔
لیگ میں 6 ٹیمیں ٹائٹل کے حصول کے لئے پنجہ آزمائی کرہی ہیں جن میں دفاعی چیمپئن گیانا ایمیزون واریئرز ،انٹیگوا اینڈ باربوڈا فالکنز ،سینٹ کٹس اینڈ نیوس پیٹریاٹس، بارباڈوس رائلز ، سینٹ لوشیا کنگز اورٹرنباگو نائٹ رائیڈرزشامل ہیں۔لیگ میں فائنل سمیت 34میچز کھیلے جائیں گے۔
کیریبین پریمیئر لیگ کا آغاز 2013میں ہوا تھا۔ کیریبین پریمیئر لیگ کی تاریخ میں اب تک 11 ایڈیشن کھیلے جاچکے ہیں جن میں ٹرنبیگو نائٹ رائیڈرز کی ٹیم سب سے زیادہ 4مرتبہ ٹائٹل جیت چکی ہے۔