ایشین یوتھ نیٹ بال چیمپئن شپ، قومی ٹیم کا تیسرا میچ کھیلا جائیگا

سیئول(شوریٰ نیوز) ایشین یوتھ نیٹ بال چیمپئن شپ، قومی ٹیم کا تیسرا میچ کھیلا جائیگا،نیٹ بال چیمپئن شپ میں 11 ممالک کی ٹیمیں حصہ لے رہی ہیں، ایشین یوتھ نیٹ بال چیمپئن شپ میں پاکستانی ٹیم اپنا تیسرا میچ آج ہانگ کانگ کے خلاف کھیلے گی۔پاکستان اب تک ایونٹ میں دو میچ کھیل چکا ہے اور گرین شرٹس نے اپنے پہلے میچ میں جاپان کے خلاف 31-52 سکور سے کامیابی حاصل کی جبکہ دوسرے میچ میں قومی ٹیم کو تھائی لینڈ کے ہاتھوں 34-68 سکور سے شکست کا سامنا کرنا پڑا۔پاکستان اپنا چوتھا میچ ملائیشیا کے خلاف 13 جون ( کل ) کو اور پانچواں میچ بھارت کے خلاف 14 جون کو کھیلے گا۔ چیمپئن شپ میں 11 ممالک کی ٹیمیں حصہ لے رہی ہیں جنہیں دو گروپوں میں تقسیم کیا گیا ہے جبکہ ایونٹ کے کوارٹر فائنل اور سیمی فائنل مقابلے 16 جون کو اور فائنل 17 جون کو کھیلا جائے گا۔