ورلڈ کپ 2023 کا شیڈول ، پاک، بھارت ٹاکرا 15 اکتوبر کو متوقع

اسلام آباد(شوریٰ نیوز)ورلڈ کپ 2023 کا شیڈول ، پاک، بھارت ٹاکرا 15 اکتوبر کو متوقع،افتتاحی میچ دفاعی چیمپئن انگلینڈ اور نیوزی لینڈ کے درمیان کھیلا جائے گا، بورڈ آف کنٹرول فار کرکٹ ان انڈیا ( بی سی سی آئی ) نے کرکٹ ورلڈکپ 2023 کا شیڈول تیار کر کے انٹرنیشنل کرکٹ کونسل ( آئی سی سی ) کو بھیج دیا ہے جسے آئی سی سی نے فیڈبیک کیلئے ورلڈکپ کھیلنے والے ممالک کے ساتھ شیئر کیا ہے۔ کرکٹ ورلڈکپ 2023 کا آغاز رواں سال 5 اکتوبرکو ہوگا جبکہ افتتاحی میچ دفاعی چیمپئن انگلینڈ اور نیوزی لینڈ کے درمیان کھیلا جائے گا۔شیڈول کے مطابق پاکستان ٹیم احمد آباد اور حیدرآباد میں دو کوالیفائر ٹیموں کے خلاف میچ کھیلے گی جبکہ بنگلورو میں آسٹریلیا اور نیوزی لینڈ کے خلاف میدان میں اترے گی۔قومی ٹیم افغانستان اور جنوبی افریقا کے خلاف چنئی جبکہ بنگلا دیش اور انگلینڈ کے خلاف کولکتہ میں ان ایکشن ہوگی۔ پاک بھارت ٹاکرا 15 اکتوبر کو احمد آباد کے نریندرا مودی سٹیڈیم میں ہونے کا امکان ہے۔میگا ایونٹ میں شامل ہر ٹیم 9 لیگ میچز کھیلے گی جبکہ ایونٹ کا فائنل 19 نومبر کو احمد آباد میں کھیلا جائے گا۔