وزیراعظم پی سی بی بورڈ آف گورنرزکیلئے 2 ناموں کی منظوری آج دینگے

اسلام آباد(شوریٰ نیوز) وزیراعظم آج پی سی بی بورڈ آف گورنرزکیلئے 2 ناموں کی منظوری دینگے،وزیراعظم کی جانب سے ذکااشرف اور مصطفیٰ رمدے کا نام بھجوا نےکا امکان،پاکستان کرکٹ بورڈ (پی سی بی) کے چیئرمین کی تعیناتی کے لیے وزیراعظم شہباز شریف آج پی سی بی بورڈ آف گورنرز کے لیے 2 ناموں کی منظوری دیں گے۔وزیراعظم کی جانب سے ذکااشرف اور مصطفیٰ رمدے کا نام بھجوائے جانےکا امکان ہے، وزیر اعظم کے دو ناموں کے ساتھ بورڈ آف گورنرز کی تعداد 10 ہوجائے گی۔ 4 ڈیپارٹمنٹ اور 4 ایسوسی ایشن کے ممبران بورڈ آف گورنرز میں شامل ہوں گے، وزیر اعظم کی طرف سے 2 نامزدگیوں کے بعد چیئرمین پی سی بی کا الیکشن ہوگا، چیف الیکشن کمشنر پی سی بی انتخاب کا شیڈول جاری کریں گے۔رواں ہفتے ہی چیئرمین پی سی بی کا الیکشن ہونے کا امکان ہے جب کہ چیئرمین مینیجمنٹ کمیٹی نجم سیٹھی کے عہدے کی مدت 21 جون کو ختم ہوجائے گی۔چیئرمین پاکستان کرکٹ بورڈ کے معاملے پر مسلم لیگ ن اور پیپلز پارٹی کے درمیان تنازع چل رہا تھا، ن لیگ چاہتی تھی کہ نجم سیٹھی کو ہی برقرار رکھا جائے جب کہ پیپلز پارٹی کے مطابق چیئرمین پی سی بی ذکا اشرف کا حق ہے،نجم سیٹھی خود ہی چیئرمین کرکٹ بورڈ کی دوڑ سے باہر ہوگئے ہیں۔