پرتھ میں پاکستان اور آسٹریلیا کے درمیان ایک روزہ سیریز کے تیسرے اور آخری میچ میں قومی ٹیم کے فاسٹ بولر شاہین آفریدی کے انگوٹھے پرگیند لگی تو فزیو تھراپسٹ سے پہلے بابر اعظم ان کی مدد کے لیے پہنچ گئے۔
تیسرے ون ڈے میں آسٹریلیا کی اننگ کے 26 ویں اوور میں بولنگ کے دوران شاہین آفریدی کے انگوٹھے پر گیند لگی تو وہ اپنا انگوٹھا پکڑ کر گھٹنوں کے بل بیٹھ گئے۔
اس موقع پر بابر اعظم ان کی مدد کو دوڑے اور فزیو تھراپسٹ سے پہلے ان کے پاس پہنچ گئے، بابر نے شاہین کی تکلیف دورکرنےکی کوشش کی اور انگوٹھے پر مساج کیا۔
ان مناظر نے صرف کمنٹیٹرز کے ہی نہیں دیکھنے والوں کے بھی دل جیت لیے۔