ٹور ڈی فرانس سائیکل ریس کا 12واں مرحلہ آئن ائزیگر کے نام
سپین سے ٹورڈی فرانس سائیکل ریس کا 110 واں ایڈیشن جاری ہے
پیرس(شوریٰ نیوز) ٹور ڈی فرانس سائیکل ریس کا 12واں مرحلہ آئن ائزیگر کے نام،سپین سے ٹورڈی فرانس سائیکل ریس کا 110 واں ایڈیشن جاری ہے،سپین کے سائیکل سوار آئن ائزیگر نے ٹور ڈی فرانس سائیکل ریس کا 12 واں مرحلہ جیت لیا۔سپین سے ٹورڈی فرانس سائیکل ریس کا 110 واں ایڈیشن جاری ہے ، جس میں دنیا بھر کی سائیکلنگ کی 22 ٹیموں کے نامور سائیکل سوار ٹائٹل کے حصول کے لئے کوشاں ہیں۔ٹور ڈی فرانس سائیکل ریس کے بارہویں مرحلے میں سائیکل سواروں نے فرانس میں رونے سے بیلی ویلے ان بوجولے تک 169کلو میٹر کا فاصلہ طے کرنا تھا جو درمیانی پہاڑی راستے پر محیط تھا، 34سالہ سپین کے سائیکل سوار آئن ائزیگر نے عمدہ سائیکلنگ کا مظاہرہ کرتے ہوئے فرانسیسی سائیکلسٹ میتھیو برگاؤڈیو کو شکست دیتے ہوئے پہلی پوزیشن حاصل کی۔آئن ائزیگر نے 12 ویں مرحلے کا 169 کلومیٹر پر مشتمل مطلوبہ فاصلہ 3 گھنٹے 51 منٹ اور 42 سیکنڈز میں طے کر کے اپنے نام کیا، ریس میں ہسپانوی سائیکلسٹ آئن ائزیگر کی یہ پہلی فتح ہے۔فرانسیسی سائیکلسٹ میتھیو برگاؤڈیو نے دوسری جبکہ 24 سالہ امریکی سائیکلسٹ میٹیو جارجنسن نے تیسری پوزیشن حاصل کی، چھٹے مرحلے سے ڈینش سائیکلسٹ جوناس ونجیگارڈ کا یلو جرسی پر قبضہ برقرار ہے۔ٹور ڈی فرانس سائیکل ریس 21 مرحلوں پر محیط ہو گی جس میں سائیکل سوار 3406 کلو میٹر کا سفر طے کریں گے، 24 روزہ ٹور ڈی فرانس سائیکل ریس 23 جولائی کو اختتام پذیر ہو گی جس میں ٹیم جمبو ویزما کے ڈینش سائیکل سوار جوناس ونجیگارڈ راسموسن اپنے اعزاز کا دفاع کے لئے کوشاں ہیں۔ ٹور ڈی فرانس سائیکل ریس کا پہلا ایڈیشن 1903 میں ہوا تھا جو فرانسیسی سائیکل سوار مورس فرانسس گارین نے جیتا تھا۔