گوگل کا البم آرکائیوسے 19 جولائی تک تصاویر ہٹانے کا اعلان

سان فرانسس(شوریٰ نیوز)گوگل کا البم آرکائیوسے 19 جولائی تک تصاویر ہٹانے کا اعلان ،ہینگ آؤٹ میں شیئرکردہ تصاویر اور دستاویز کو ڈلیٹ کر دیا جائے گا، چند سال پہلے تک گوگل چیٹ کا ایک ٹول بہت مقبول رہا تھا جسے ’ہینگ آؤٹ‘ کا نام دیا گیا تھا۔ اب گوگل نے اعلان کیا ہے کہ اس میں آپ نے جو تصاویر اور دستاویز شیئر کی تھیں انہیں اگلے ماہ تک ہٹادیا جائے گا۔گوگل ہینگ آؤٹ سے وابستہ تصاویر ’البم آرکائیو‘ میں جمع ہوتی رہتی ہیں جنہیں آپ ایک لوکیشن پر کسی بھی وقت دے سکتے ہیں۔ اب لاتعداد افراد کو گوگل کی جانب سے ای میل موصول ہوئی ہے کہ وہ البم آرکائیو کی تصاویر اتار کر کہیں محفوظ کرلیں، کیونکہ 19 جولائی تک انہیں ڈلیٹ کردیا جائے گا۔ اسی طرح صارفین گوگل ٹیک آؤٹ پر بھی بیک اپ بناسکتے ہیں ’ہینگ آؤٹ‘ میں جو پس منظر یا کمنٹس وغیرہ لکھے گئے تھے، وہ بھی ہٹادیئے جائیں گے۔ لیکن یاد رہے کہ گوگل نے جو متبادل ٹیک آؤٹ کا لنک دیا ہے وہ صرف سات دن تک کام کرے گا۔ اس دوران البم آرکائیو کی تصاویر کو وہاں سے دوسری جگہ محفوظ کرنا ہوگا۔ تاہم گوگل فوٹوز پر کوئی اثر نہیں ہوگا۔