صہیونی فوج نے شام کے جنوبی علاقوں میں دفاعی تنصیبات پر ایک بار پھر حملہ کیا ہے۔
مہر خبررساں ایجنسی کے مطابق، صہیونی حکومت نے شام پر اپنے حملوں کا سلسلہ جاری رکھتے ہوئے جنوبی علاقوں میں دفاعی تنصیبات کو نشانہ بنایا ہے۔
صہیونی فوج کی طرف سے جاری ایک بیان میں کہا گیا ہے کہ اسرائیلی فضائیہ نے جنوبی شام میں فوجی مراکز اور دفاعی تنصیبات پر بمباری کی ہے۔ بیان میں کہا گیا ہے کہ یہ حملہ شام کی طرف سے لاحق خطرات کے پیش نظر کیا گیا ہے۔
حملے میں اب تک ہونے والے نقصانات کے حوالے سے کوئی خبر موصول نہیں ہوئی۔