خیبر پختونخوا حکومت نے بی آر ٹی کے لیے 50 نئی 12 میٹر بسوں کی خریداری کی منظوری دے دی۔
ٹرانس پشاور کے بورڈ آف ڈائریکٹرز کا 42 واں اجلاس ایڈیشنل چیف سیکرٹری خیبر پختونخوا اکرم اللہ خان کی زیر صدارت منعقد ہوا۔
نئی بسیں پشاور بی آر ٹی کے متوقع روٹس باڑہ روڈ، خیبر روڈ اور رنگ روڈ پر چلائی جائیں گی، بسوں کی خریداری کے لیے موجودہ وینڈر سے خریداری یا اوپن ٹینڈر کے آپشنز پر غور کیا گیا۔
ٹرانس پشاور کے مطابق دونوں آپشنز کے تحت بسوں کی لاگت، ڈلیوری ٹائم اور ممکنہ مالی بچت کے بارے میں بورڈ کو مکمل بریفنگ دی گئی۔
بسوں کی خریداری کا عمل خیبر پختونخوا پبلک پروکیورمنٹ ریگولیٹری اتھارٹی (KPPRA) کے قوانین کے مطابق ہوگا۔
ٹرانس پشاور کے مطابق خریداری کے حتمی فیصلے کے لیے کیس صوبائی کابینہ اور وزیر اعلیٰ کو بھیجا جائے گا۔
اجلاس میں ذو بزنس سینٹر چمکنی کے لیے ریزرو قیمت کی منظوری دے دی گئی، ذو بزنس سینٹر نجی اداروں کو اوپن آکشن اور سرکاری اداروں کو G2G قواعد کے تحت لیز پر دیا جا سکتا ہے۔