ترجمان حکومت پنجاب عامر میر نے 9 مئی کے واقعات میں ملوث ملزم ارسلان کی عمر بارے پروپیگنڈا جھوٹ قرار دیتے ہوئے کہا ہے کہ ارسلان کی عمر 14 برس نہیں بلکہ 20 برس ہے۔
عامر میر کا کہنا تھا کہ چند میڈیا پرسنز ارسلان کی عمر بارے غلط انفارمیشن چلا رہے ہیں۔ ترجمان حکومت پنجاب عامر میر نے کہا کہ ملزم ارسلان نے دہشت گردی کورٹ میں بوگس برتھ سر ٹیفکیٹ پیش کیا تھا جو پکڑا گیا ہے۔
انھوں نے کہا کہ اصل ریکارڈ کے مطابق ملزم ارسلان بالغ ہے اسکی تاریخ پیدائش 24 اگست 2003 ہے اس لحاظ سے اسکی عمر 20 سال بنتی ہے۔ عامر میر نے کہا کہ ملزم ارسلان نے بوگس برتھ سرٹیفکیٹس بنا کر عدالت کو گمراہ کرنے کی کوشش کی جبکہ حقیقت یہ ہے کہ ملزم ارسلان نے ایک نہیں بلکہ 3 بوگس برتھ سرٹیفکیٹس بنا رکھے ہیں۔
عامر میر نے کہا کہ ملزم کی فیملی کی جانب سے تحقیقاتی اداروں کے خلاف جھوٹا پروپگنڈا کیا جا رہا ہے جبکہ حقیقت یہ ہے کہ پولیس 9 مئی کے واقعات میں ملوث ملزمان کے خلاف بلا امتیاز کاروائیاں کر رہی ہے۔