وفاقی حکومت نے چیف سیکریٹری بلوچستان عبدالعزیز عقیلی کو عہدے سے ہٹا دیا۔ شکیل قادر خان صوبے کے نئے چیف سیکریٹری ہوں گے۔
اسٹیبلشمنٹ ڈویژن کے نوٹیفکیشن کے مطابق وفاقی حکومت نے افسران کے تبادلے کرتے ہوئے گریڈ 21 کے شکیل قادر کو چیف سیکریٹری بلوچستان تعینات کردیا ہے۔
گریڈ 22 کے افسر عبدالعزیز عقیلی کو اسٹیبلشمنٹ ڈویژن رپورٹ کرنے کی ہدایت کی گئی ہے۔اسٹیبلشمنٹ ڈویژن نے دونوں افسران کے تقرر اور تبادلوں کا نوٹیفکیشن بھی جاری کردیا ہے۔