چیئرمین ایف بی آر راشد محمود لنگڑیال نے کہا ہے کہ پراپرٹی پر فیڈرل ایکسائز ڈیوٹی کے خاتمے کی سمری کابینہ کو ارسال کردی۔
اسلام آباد میں قائمہ کمیٹی فنانس کے اجلاس کے بعد میڈیا سے غیر رسمی گفتگو کرتے ہوئے راشد محمود لنگڑیال کا کہنا تھا کہ کابینہ کی منظوری کے بعد ایف ای ڈی کے خاتمے کا فوری اطلاق ہوگا، وزیر اعظم نے پراپرٹی کی خریداری پر ایف ای ڈی ختم کرنے کی منظوری دے دی۔
انہوں نے کہا کہ ایف ای ڈی ختم کرنے پر پراپرٹی کی خریداری کی حد مقرر نہیں کی گئی، پراپرٹی کی خریداری پر فائلر کیلئے عائد 3 فیصد ایف ای ڈی ختم ہوگی۔
چیئرمین ایف بی آر کا مزید کہنا تھا کہ پراپرٹی کی خریداری پر لیٹ فائلر کیلئے 5 فیصد ایف ای ڈی بھی ختم ہوگی۔