سوویت یونین کی طرف سے 1972 میں لانچ کیا گیا ایک اسپیس کرافٹ 10 مئی کے آس پاس زمین پر گرنے والا ہے اور کوئی نہیں جانتا کہ یہ کہاں گرے گا۔
Kosmos 482 نامی مشن میں اسپیس کرافٹ کو 1972 میں سیارہ زہرہ کی طرف روانہ کیا گیا تھا لیکن اوپری مرحلے کے راکٹ بوسٹر کی خرابی نے خلائی جہاز کو زمین کے گرد چکر لگانے پر مجبور کردیا تھا۔
نیدرلینڈ کی ڈیلفٹ ٹیکنیکل یونیورسٹی کے لیکچرر مارکو لینگ بروک نے اسپیس کرافٹ کی زمین پر واپسی کو دریافت کیا۔
انہوں نے کہا کہ چونکہ یہ ایک لینڈر ہے جسے زہرہ کے ماحول سے گزرنے سے بچنے کے لیے ڈیزائن کیا گیا تھا، اس لیے یہ ممکن ہے کہ یہ زمین کے ماحول میں دوبارہ داخل ہونے پر بھی فعال رہے گا اور اثر برقرار رکھے گا۔
انہوں نے کہا کہ خطرات خاص طور پر زیادہ نہیں ہیں لیکن صفر بھی نہیں ہیں اور یہ گرتے وقت شہابِ ثاقب کے اثرات سے ملتا جلتا لگ سکتا ہے۔
نیدرلینڈ کے سیٹلائٹ ٹریکر رالف وینڈیبرگ نے کہا کہ ان کی حاصل کردہ تصاویر کا ایک سیٹ زمین کے مدار میں کوسموس کیپسول کو ظاہر کرتا ہے۔