بھارت اور بنگلہ دیش نے ایک دوسرے پر تجارتی پابندیاں عائد کر دیں۔
بھارت نے بنگلہ دیش کیلئے ٹرانزٹ ٹریڈ کی سہولت روک دی، اس سہولت سے بنگلہ دیش اپنی برآمدات بھارتی بندرگاہوں اور ہوائی اڈوں سے تیسرے ممالک تک پہنچاتا تھا۔
برطانوی نشریاتی ادارے کے مطابق بھارت کا مؤقف ہے کہ بندرگاہوں اور ہوائی اڈوں پر رش ہونے کی وجہ سے ٹرانزٹ سہولت روکی گئی۔
دوسری جانب بھارتی اقدام کے جواب میں بنگلہ دیش نے بھارت سے روڈ کے ذریعے سوتی دھاگے کی درآمد پر پابندی لگا دی ہے۔
بنگلہ دیش کی جانب سے یہ پابندی سستے درآمدی دھاگے سے مقامی صنعتوں کو تحفظ دینے کیلئے لگائی گئی ہے۔