پہلگام فالس فلیگ حملے کے بعد بھارت میں وزیر اعظم نریندر مودی پر کڑی تنقید کا سلسلہ جاری ہے۔
سوشل میڈیا پر ایک بھارتی سیاسی رہنما کی ویڈیو وائرل ہو رہی ہے جس میں انہوں نے مودی کو سخت تنقید کا نشانہ بناتے ہوئے کہا کہ "مودی کو وزیراعظم کے عہدے سے مستعفی ہو کر دوبارہ چائے بیچنی چاہیے”۔
رہنما کا کہنا تھا کہ مودی 2016 سے اب تک دہشت گردی کے خاتمے کا دعویٰ کرتے آ رہے ہیں لیکن 2025 تک بھی صورتحال ویسی ہی ہے۔ انہوں نے پلوامہ حملے، آرٹیکل 370 کی منسوخی اور فوج کی سیاست میں مداخلت پر بھی مودی سرکار کو آڑے ہاتھوں لیا۔
انہوں نے وزیر داخلہ امت شاہ اور قومی سلامتی کے مشیر اجیت ڈوول کو بھی کڑی تنقید کا نشانہ بنایا اور کہا کہ "امت شاہ ریاستیں خریدنے اور حکومت سازی کی سازشوں میں مصروف ہیں جبکہ اجیت ڈوول خود کو جیمز بانڈ کا پردادا سمجھتے ہیں”۔
سیاسی تجزیہ کاروں کا کہنا ہے کہ یہ بیانات اس بات کی عکاسی کرتے ہیں کہ مودی حکومت پر بھارت میں اعتماد تیزی سے کم ہو رہا ہے اور عوام ہندوتوا نظریے کے نتائج سے تنگ آ چکے ہیں۔
تجزیہ کاروں نے کہا کہ اب وقت آ گیا ہے کہ مودی، امت شاہ اور اجیت ڈوول کو ان کے عہدوں سے ہٹا دیا جائے تاکہ بھارت کو فرقہ وارانہ سیاست سے نجات دلائی جا سکے۔