جرمن نشریاتی ادارے ڈوئچے ویلے نے بھارت کی جانب سے جارحیت کے دوران بھارتی میڈیا کے گمراہ کن پروپیگنڈے، ویڈیوز کو بےنقاب کردیا، فیکٹ چیک کے ساتھ بھارتی اکاؤنٹس سے جاری ویڈیوز کو جھوٹا ثابت کیا۔
عالمی نشریاتی ادارے کے مطابق کچھ دن پہلے بھارتی سوشل میڈیا اکاؤنٹ سے پاکستان کےشہر سیالکوٹ پر حملے کی ویڈیو شیئر کی گئی، یہ ویڈیوجھوٹ پرمبنی ہے، ویڈیوایک ماہ پرانی اور ممبئی میں گیس سلنڈر کے دھماکے کی تھی۔
اسی طرح بھارتی اکاؤنٹ سے ڈی جی آئی ایس پی آر کی اے آئی سے بنائی گئی فیک ویڈیو بھی شیئرکی گئی، ویڈیو میں ڈی جی آئی ایس پی آر کے اصل ادا کئے گئے الفاظ کو اے آئی کی مدد سے بدلا گیا۔
بھارتی اکاؤنٹس سےامریکی صدر ڈونلڈ ٹرمپ کی بھارتی جارحیت کی حمایت میں ویڈیوبھی شیئر کی گئی، یہ ویڈیو بھی اے آئی سے بنائی گئی اور امریکی صدرنے ایسا کوئی بیان نہیں دیا تھا۔
ڈوئچے ویلے کے مطابق جھوٹی خبریں اور فیک ویڈیوز بڑی تعداد میں پھیلائی جا رہی ہیں، فیک ویڈیوز لوگوں کو اشتعال دلا سکتی ہیں، انہیں شیئرکرنے سے پہلے فیکٹ چیک ضرور کرنا چاہئے۔
اس صورتحال پر دفاعی ماہرین کا کہنا ہے کہ بھارتی میڈیا نے ہمیشہ گمراہ کن پروپیگنڈا اور جھوٹ پھیلا کر حقائق پر پردہ ڈالنے کی کوشش کی ہے، بین الاقوامی میڈیا بھارتی جھوٹ کو بے نقاب کر رہا ہے، جس سے بھارت کا اصل اور مکروہ چہرہ سامنے آ رہا ہے۔