چین نے اسٹریٹجک معدیات کے غیر قانونی اخراج کیلئے ٹھوس اقدامات کا اعلان کر دیا۔
عالمی میڈیا کی رپورٹ کے مطابق یہ بات وزارت تجارت کے ترجمان نے کہا کہ اسٹریٹجک معدنی وسائل کے برآمدی کنٹرول کو مضبوط بنانا قومی سلامتی اور ترقیاتی مفادات کے لئے اہم ہے۔
رپورٹ کے مطابق انہوں نے کہا کہ چونکہ چین نے بعض اسٹریٹجک معدنیات پر برآمدی پابندیاں نافذ کی ہیں یہ معلوم ہوا ہے کہ بعض غیر ملکی اداروں نے غیر قانونی مقامی افراد کے ساتھ ملی بھگت کرتے ہوئے سمگلنگ اور دیگر ذرائع سے برآمدی کنٹرول کے اقدامات سے بچنے کی کوشش کی ہے۔
ترجمان نے کہا کہ ان اسٹریٹجک وسائل کی سمگلنگ کو روکنے کے لئے چین نے غیر قانونی اور عدم تعمیل کی سرگرمیوں جیسے جھوٹے اعلان، چھپانے اور تیسرے ممالک کے ذریعے ترسیل کے خلاف کریک ڈاؤن کرنے کی مہم شروع کی ہے۔
ان کا مزید کہنا تھا کہ چین نے قومی سلامتی اور ترقیاتی مفادات کا مؤثر طریقے سے تحفظ کرنے کے لئے اس طرح کی سرگرمیوں کا مقابلہ کرنے اور ان کے پیچھے غیر قانونی اداروں اور سمگلنگ کے نیٹ ورکس کو بے نقاب کرنے کے لئے کسٹمز کے معائنے اور کوششیں تیز کر دی ہیں۔
ترجمان نے مزید کہا کہ مستقبل قریب میں غیر قانونی سرگرمیوں کے خلاف کریک ڈاؤن کے لیے مزید کارروائیاں بھی شروع کی جائیں گی۔